लोणी काळभोर प्रतिनिधी
आळंदी म्हातोबा येथील श्री म्हातोबा माध्यमिक विद्यालयात संदेश आव्हाळे यांच्या वाढदिवसाच्या निमित्ताने सामाजिक उपक्रमाचे आयोजन करण्यात आले. या प्रसंगी शाळेतील होतकरू व गरजू विद्यार्थ्यांना वह्या, पुस्तके व इतर शैक्षणिक साहित्याचे वाटप करण्यात आले.
शिक्षण हेच खरे भविष्य घडविण्याचे साधन आहे, या भावनेतून हा उपक्रम राबविण्यात आला. विद्यार्थ्यांच्या चेहऱ्यावर आनंद आणि आत्मविश्वास दिसून येत होता.
या कार्यक्रमास अजय जवळकर, महेश जवळकर व प्रज्वल शेलार यांची प्रमुख उपस्थिती होती. तसेच शाळेचे मुख्याध्यापक व शिक्षक सेवक यांनीही उपस्थित राहून या उपक्रमाचे कौतुक केले.
मुख्याध्यापकांनी आपल्या मनोगतातून सांगितले की, “वाढदिवस सामाजिक उपक्रमातून साजरा करण्याची ही प्रेरणादायी बाब असून विद्यार्थ्यांना नवी दिशा देणारी आहे.”
संदेश आव्हाळे यांच्या या उपक्रमामुळे समाजोपयोगी जाणीव आणि शिक्षणाबाबतची बांधिलकी अधोरेखित होत असून, अशा उपक्रमांची गरज असल्याचे मत यावेळी उपस्थितांनी व्यक्त केले
मुख्य संपादक चंद्रकांत दुंडे
8806043369
