हवेली प्रतिनिधी चंद्रकांत दुंडे
महायुती सरकारने निवडणुकी अगोदर मोठी घोषणा करत शेतकऱ्यांना पाच वर्षासाठी कृषीपंपासाठी मोफत विजबिलाची घोषणा केल्याने शेतकरी आनंदीत झाला.आता ज्या शेतकऱ्यांना नवीन वीज कनेक्शन घ्यावयाचे आहे त्यांना सौर उर्जा कनेक्शन घ्या वीज कनेक्शन बंद झाली आहेत असे सांगितले जाते.परंतु पुर्व हवेलीतील गावांमध्ये प्रामुख्याने तरकारी,भाजीपाला,पिकांबरोबर उस शेतीही केली जाते.त्यामुळे दिवसा तरकारी,भाजीपाला तर रात्रीच्या वेळी उसाला पाणी दिले जाते.जर सौर उर्जा कनेक्शन घेतले तर फक्त दिवसाच पाणी मिळते.यामुळे शेतकऱ्यांमध्ये नाराजीचा सुर आहे तरी शासनाने शेतकऱ्याना ज्यांना सौर उर्जा कनेक्शन चालते त्यांना सौर उर्जा आणि ज्यांना वीज कनेक्शनची गरज आहे त्यांना वीज कनेक्शन मिळावे अशी मागणी होत आहे.तरी शासनाने या मागणीचा सहानुभूतीने विचार करून योग्य निर्णय घ्यावा अशी मागणी शेतकरी व्यक्त करत आहेत.
संपादक.चंद्रकांत दुंडे
बातम्या आणि जाहिरातीसाठी संपर्क 8806043369
