हवैली, (प्रतिनिधी)मांजरी येथील कृष्णाजी खंडुजी घुले विद्यालयात तब्बल एकवीस वर्षानंतर माजी विद्यार्थी-विद्यार्थिनी २००३-०४ बॅच यांचा स्नेहमेळावा आयोजित करण्यात आला.यामध्ये ,विचारांची देवाणघेवाण,कौटुंबिक चर्चा,एकमेकांची कौटुंबिक विचारपूस,मुलामुलींची लग्न,नोकरीच्या संधी यावर चर्चा करण्यात आली.शिक्षकांच्या तब्येतीची आपुलकीने विचारपूस कर्मवीर भाऊराव पाटील व लक्ष्मीबाई पाटील यांचे प्रतिमापूजन आणि राष्ट्रगीताने स्नेहमेळाव्याची सुरुवात झाली. त्यानंतर दिवंगत शिक्षक-शिक्षिका तसेच दिवंगत विद्यार्थ्यांना श्रद्धांजली अर्पण करण्यात आली. यावेळी प्राचार्य संजय मोहिते, शिक्षक तानाजी साळुंखे, एकनाथ जाधव, किसन रत्नपारखी, शिक्षिका संगीता कोकरे- रूपनवर तसेच मनोज अधिकारी हे उपस्थित होते. आशीष घुले, नेहा बेल्हेकर, प्रियंका बेल्हेकर, सागर प्रभुणे, नीलेश दगडे, सुमित मते, रवींद्र टिळेकर, कुलदीप पवार, राजेंद्र भंडारी, अमित गाढवे, अविनाश ढेंबरे, माधवी घुले, स्वप्नील जगधने तसेच मेमाणे यांच्यासह विद्यार्थ्यांनी स्नेहमेळाव्याचे संयोजन केले. सागर प्रभुणे आणि प्रियांका बेल्हेकर यांनी सूत्रसंचालन, विद्यार्थी प्रतिनिधी तथा माजी उपसरपंच सुमीत घुले यांनी शिक्षिकांचे तसेच विद्यार्थी-विद्यार्थिनींचे आभार मानले.
संपादक.चंद्रकांत दुंडे
बातम्या आणि जाहिरातीसाठी संपर्क 8806043369.
