लोणी काळभोर प्रतिनिधी
लोणी काळभोर येथे दुपारी चार साडेचार वाजण्याच्या सुमारास जोरदार वादळी वाऱ्यासह आलेल्या जोरदार पावसाने लींब,बाभुळ अशा मोठ्या वृक्षांची पडझड झाली.काही ठिकाणी विजेच्या तारांवर झाड पडल्याने विद्युत पुरवठा खंडीत झाला.काही ठिकाणी शेतकऱ्यांची पेरूची झाडे,पपईघी झाडे जमीनदोस्त झाली रस्त्यावर झाडे पडल्याने काही काळासाठी रस्ते बंद झाले.काढणीयोग्य झालेला भाजीपाला काढता येत नसल्याने शेतकऱ्यांना मोठे आर्थिक नुकसान सोसावे लागत आहे.सततच्या पावसाने भाजीपाला पिवळा पडण्याची शक्यता असल्याने बळीराजा हवालदील झाला आहे.गेल्याच महीन्यात झालेल्या गारपिटीने झालेल्या संकटातून शेतकरी सावरलेला नसताना अवकाळी पावसाने झालेल्या नुकसानामुळे बळीराजाचे कंबरडे मोडले आहे.गारपीटीच्या नुकसान भरपाईच्या अपेक्षा फोल ठरलेल्या असतानाच अस्मानी संकटाने पुन्हा डोके वर काढलेले आहे.अशा परिस्थितीत शेतकऱ्यांना कुंटुंबाचा उदरनिर्वाह चालवणे अवघड बनले आहे.सततच्या पावसाने शेतमजुरांनाही काम नसल्याने त्यांचेवरही उपासमारीची वेळ आली आहे.तरी शासनाने शेतमालाला हमीभाव व शेतकऱ्यांचा सातबारा कोरा करावा एवढीच माफक अपेक्षा शेतकरी वर्गातुन व्यक्त होत आहे.
मुख्य संपादक चंद्रकांत दुंडे
संपर्क 8806043369
