उरुळी कांचन : प्रतिनिधी ( सुनील तुपे ) उरुळी कांचन . ता. हवेली येथील
उरुळी कांचन पोलीस स्टेशन अंतर्गत वाचन कट्टा सुरू करण्यात आला असून अतिशय चांगला प्रतिसाद या वाचन कट्ट्याला मिळत आहे. पुस्तक हे आपले एक चांगले मित्र असून मोबाईलच्या दुनियेमध्ये पुस्तके जवळ करा , वाचाल तर वाचाल असे मत उरुळी कांचनचे वरिष्ठ पोलीस निरीक्षक शंकर पाटील यांनी आपले मत व्यक्त केले. वाचक वर्गाने या उपक्रमाचे स्वागत केले असून अनेक चांगली पुस्तके त्या ठिकाणी वाचायला मिळत आहे. हा एक वेगळा आनंद मिळत आहे. नाशिकचे शिव समर्थ प्रकाशनचे अंकुर काळे आणि इतिहास अभ्यासक खलील उर्फ मुन्नाभाई शेख यांनी या उपक्रमाला पुस्तके भेट देऊन एक चांगला आदर्श घडवला आहे. महाराणा प्रताप, संमभवामी युगे युगे, गड किल्ल्यांच्या माहितीचे दुर्ग , अपेक्षित दुर्गांचा इतिहास, गाव कुसातील जितराब , गरुड झेप, औदुंबरावत , अशी अनेक पुस्तके त्यांनी भेट दिली. याप्रसंगी पीआय सुभाष चव्हाण वाचक अधिकारी, अप्पर पोलीस अधीक्षक बारामती विभाग, पो. कॉ भिसे, पो. कॉ रासकर , पो. कॉ चव्हाण, पीएसआय सीद पाटील क्राईम ब्रँच , पोलीस हवालदार शैलेश स्वामी, विशाल शिंदे, आदेश पोवार, ओंकार कांचन आदी मान्यवर व वाचक वर्ग उपस्थित होते.
