लोणी काळभोर प्रतिनिधी
आज दिनांक २६ जानेवारी २०२६ रोजी ओरिजिनल मातोश्री इंग्लिश मीडियम स्कूल येथे ७७ वा प्रजासत्ताक दिन अत्यंत उत्साहात, शिस्तबद्ध आणि देशप्रेमाच्या वातावरणात साजरा करण्यात आला. सकाळच्या सत्रात शाळेच्या मैदानावर शिक्षक, विद्यार्थी व पालक मोठ्या संख्येने उपस्थित होते.
कार्यक्रमाचे सूत्रसंचालन सायली सुरवसे व निकिता दाभाडे यांनी अत्यंत प्रभावीपणे केले. कार्यक्रमाचे प्रमुख पाहुणे छाया मेमाणे, संस्थापक/चेअरमन अविनाश मेमाणे, सेक्रेटरी रूपाली मेमाणे ट्रस्टी ऋषिकेश आखाडे,कल्पेश मेमाणे , श्वेता मेमाणे, प्रगतिशील शेतकरी व सामाजिक कार्यकर्ते मारुती गडदे, तसेच पत्रकार व सामाजिक कार्यकर्ते बापू लाड यांच्या हस्ते सकाळी ८.३० वाजता ध्वजारोहण करण्यात आले.
यानंतर उपस्थित सर्वांनी राष्ट्रगीत गाऊन राष्ट्रध्वजाला मानवंदना दिली. विद्यार्थ्यांनी स्वातंत्र्यसैनिकांच्या जीवनावर आधारित नाटिका, देशभक्तीपर नृत्ये व प्रेरणादायी भाषणे सादर केली. या सादरीकरणांनी उपस्थित पालक व मान्यवरांच्या मनात देशभक्तीची भावना अधिक दृढ केली.
कार्यक्रमाच्या शेवटी शैक्षणिक व इतर क्षेत्रांत उत्कृष्ट कामगिरी करणाऱ्या विद्यार्थ्यांना पारितोषिकांचे वितरण करण्यात आले. त्यानंतर सर्व विद्यार्थ्यांना खाऊ वाटप करण्यात आले. “भारत माता की जय”, “वंदे मातरम”, “प्रजासत्ताक दिनाचा विजय असो” या गगनभेदी घोषणांमध्ये कार्यक्रमाची सांगता झाली.
शाळेच्या इन्चार्ज मीना कानकाटे यांनी सर्व मान्यवर, पालक व उपस्थितांचे आभार मानत यापुढेही असेच दर्जेदार उपक्रम राबविण्याचे आश्वासन दिले. शाळेच्या मुख्याध्यापिका तनुजा गोरे यांनी विद्यार्थ्यांना मोलाचे मार्गदर्शन केले.
एकूणच हा प्रजासत्ताक दिनाचा सोहळा सर्वांच्या स्मरणात राहणारा ठरला.
मुख्य संपादक चंद्रकांत दुंडे
8806043369
