पुणे प्रतिनिधी.दारु पिण्यासाठी पैसे न दिल्याच्या रागातुन एकाच्या डोक्यात सिमेंटच्या गडूने मारहाण करून खून केल्याची घटना लोणी काळभोर परिसरात घडली. याप्रकरणी पोलिसांनी आरोपीला अटक केली आहे.
योगेश लक्ष्मण काळभोर (वय ४५, रा. लोणी काळभोर, ता. हवेली) असे खून झालेल्याचे नाव आहे. याबाबत पोलिस अंमलदार केतन उत्तम धेंडे यांनी लोणी काळभोर पोलिस ठाण्यात फिर्याद दिली आहे. त्यावरून नंदू ऊर्फ पोपट लक्ष्मण म्हात्रे (वय ३९, रा. लोणी काळभोर) याच्याविरुद्ध गुन्हा दाखल केला आहे. पोलिसांनी दिलेल्या माहितीनुसार, योगेश काळभोर आणि सोमनाथ जाधव हे १५ डिसेंबरला सायंकाळी लोणी काळभोरमधील रायवाडी भागात दत्तात्रेय कांबळेच्या खोलीत दारू पीत बसले होते. त्यावेळी नंदूने दारू पिण्यास पैसे देत नाही, असे म्हणत योगेशला शिवीगाळ केली. त्यानंतर योगेशच्या डोक्यात सिमेंटच्या गडूने मारहाण केली. त्यात गंभीर जखमी झाल्याने योगेशला पुतण्या ऋषिकेश काळभोर याने जखमी अवस्थेत रुग्णालयात दाखल केले; परंतु उपचारादरम्यान त्याचा मृत्यू झाला. याबाबत प्रारंभी पोलिसांनी अकस्मात मृत्यूची नोंद केली.व त्यानंतर हत्या की अपघात याविषयी पोलिसांमध्ये संभ्रमाचे वातावरण होते.यानंतर पोलिसांनी कसुन तपास करत सुमारे वीस दिवसांनी आरोपीला ठोकल्या बेड्या पोलिसांच्या या कामगिरीचे लोणी काळभोर परिसरातून कौतुक होत आहे. तपासादरम्यान पोलिसांनी प्रत्यक्षदशों सोमनाथ जाधव, दत्तात्रेय कांबळे यांच्याकडे चौकशी केली. त्यावेळी दारू पिण्यास पैसे न दिल्याने योगेशचा खून केल्याचे उघड झाले. त्यानंतर पोलिसांनी म्हात्रेला अटक केली.
संपादक.चंद्रकांत दुंडे
बातम्या आणि जाहिरातीसाठी संपर्क.8806043369
फोटो.मयत योगेश काळभोर.
