हवेली प्रतिनिधी चंद्रकांत दुंडे
कृषी उत्पन्न बाजार समितीच्या मांजरी येथील उपबाजारात भाजीपाल्याची प्रचंड आवक झाल्याने शेतमालाचे बाजारभाव पडल्याने बळीराजा चिंताग्रस्त बनला आहे.मेथी,कोथिंबीर दोन ते पाच रुपये गड्डी या दराने विक्री होत आहे.कोथंबीरीचे बियाणे दोन किलो बियाण्याच्या पिशवीची किंमत सहाशे ते सातशे रुपयाच्या आसपास आहे.म्हणजे तिनशे ते साडेतीनशे रुपये किलो,मेथीचे बियाणे शंभर ते एकशे दहा रुपये किलो,तसेच फ्लॉवर पिकासाठी एक रोपाची किंमत ऐंशी पैसे ते एक रुपया अशी असताना फ्लॉवरची चाळीस ते पन्नास किलोची पिशवी पन्नास ते दिडशे रुपयांना विकली जात आहे.इतरही भाजीपाल्याला नाममात्र दर मिळण आहे.दहा किलोमीटर अंतरावर असणाऱ्या मालासाठी डागाला चाळीस ते पन्नास रुपये भाडे द्यावे लागते.भाजी काढणीसाठी शैकडा पन्नास ते सत्तर रुपये मोजावे लागतात. खुरपणीसाठी सकाळी आठ ते बारा वाजेपर्यंत तिनशे ते साडेतीनशे रुपये मोजावे लागतात.पुन्हा दुपारी तीन ते पाच दोन तासासाठी दोनशे ते अडीचशे रुपये मोजावे लागतात.खत जमिनीची मशागत यासाठी एकरी वीस ते पंचवीस हजार मोजावे लागतात.कोट्यावधी रुपये एकरी किंमत असणाऱ्या जमिनीतून शेतकऱ्यांना उदरनिर्वाह करता येईल इतकेही उत्पन्न तर नाहीच परंतु सतत कर्जबाजारी अशी अवस्था बळीराजाची झाली आहे.
तरी सरकारने निवडणुकीत दिलेल्या आश्वासनांची पुर्तता करत शेतकऱ्यांचा सातबारा कोरा करून शेतमालाला हमीभाव द्यावा अशी मागणी बळीराजा व्यक्त करत आहे.
शेतातील शेतमाल काढून बाजारात विक्री करुन पैसे मिळण्याऐवजी पदरमोड करुन घरी परतावे लागत आहे. तरी शासनाने शेतकऱ्यांचा सहानुभूती पुर्वक विचार करावा व शेतमालाला हमीभाव द्यावा.
किशोर कामठे शेतकरी फुरसुंगी पुणे.
संपादक.चंद्रकांत दुंडे.
बातम्या आणि जाहिरातीसाठी संपर्क.8806043369
