नवी दिल्ली:
शेअर मार्केट ओपनिंग : शेअर मार्केटमध्ये आज ट्रेडिंग सुरू झाली. मजबूत जागतिक संकेत आणि आशियाई बाजारातील सकारात्मक ट्रेंडमुळे, भारतीय बेंचमार्क निर्देशांक बीएसई सेन्सेक्स आणि निफ्टी 50 गुरुवारी वाढीसह उघडले आहेत. त्याच वेळी निफ्टी 23,800 च्या पुढे व्यवहार करत आहे. अदानी समूहाचे बहुतांश शेअर्स हिरव्या चिन्हावर उघडले.
निफ्टी बँक 400.60 अंकांनी किंवा 0.78 टक्क्यांनी वाढून 51,633.60 वर होता. निफ्टीचा मिडकॅप 100 निर्देशांक 47 अंकांनी किंवा 0.08 टक्क्यांनी वाढून 57,104.90 वर व्यवहार करत आहे. निफ्टीचा स्मॉलकॅप 100 निर्देशांक 32.35 अंकांनी किंवा 0.17 टक्क्यांनी वाढून 18,765 वर होता.
शेवटच्या सत्रात म्हणजेच मंगळवार, 24 डिसेंबर रोजी 78,877.36 या दिवसाच्या सर्वोच्च पातळीला स्पर्श केल्यानंतर, सेन्सेक्स 67.30 अंकांच्या किंवा 0.09 टक्क्यांच्या घसरणीसह 78,472.87 वर बंद झाला, त्याचप्रमाणे निफ्टी 50 25.80 अंकांनी घसरून, 201273 अंकांवर बंद झाला.
ख्रिसमसच्या निमित्ताने बुधवारी भारतासह अमेरिकन बाजार बंद होते. मंगळवारी S&P 500 1.10 टक्क्यांनी वाढून 6,040 वर बंद झाला आणि Nasdaq 1.35 टक्क्यांनी वाढून 20,031.13 वर बंद झाला, जकार्ता व्यतिरिक्त, आशियाई बाजारांमध्ये चीन, बँकॉक, सोल आणि जपान हिरव्या रंगात व्यवहार करत होते.
परदेशी संस्थागत गुंतवणूकदारांनी (FII) 24 डिसेंबर रोजी 2,454.21 कोटी रुपयांचे समभाग विकले, तर त्याच दिवशी देशांतर्गत संस्थागत गुंतवणूकदारांनी 2,819.25 कोटी रुपयांचे समभाग खरेदी केले.
