हवेली, प्रतिनिधी ( सुनील तुपे )
संत ज्ञानेश्वर महाराज यांचा ७५० वा जन्मोत्सव सोहळा आणि मराठी भाषेला अभिजात भाषेचा दर्जा मिळाल्याबद्दल त्याचा आनंद उत्सव साजरा करण्यासाठी संत ज्ञानेश्वर महाराज हरिपाठ ग्रंथाचे वाटप करण्यात आले. अण्णासाहेब मगर माध्यमिक विद्यालय व जिल्हा परिषद प्राथमिक शाळा मांजरी खुर्द शाळेतून या उपक्रमाची सुरुवात करण्यात आली. श्री विठ्ठल-रुक्मिणी प्रासादिक दिंडी व ग्रामस्थांच्या वतीने ग्रंथ वाटप करण्यात आले. अखिल भारतीय वारकरी मंडळाचे महाराष्ट्र प्रदेश उपाध्यक्ष श्री क्षेत्र थेऊर( ता. हवेली ) येथील समाज भुषण. हभप आनंद महाराज तांबे यांच्या संकल्पनेतून मांजरी खुर्द येथील विद्यार्थ्यांना ग्रंथ वाटप करण्यात आले. यावेळी माजी सरपंच विलास उंद्रे. युवा उद्योजक विकास उंद्रे. पांडुरंग महाराज उंद्रे . सुरेश साळुंखे. बाबुराव नेवाळे. रोहिदास साळुंखे . बाबासाहेब भोसले पत्रकार अमोल भोसले आदी उपस्थित होते . यावेळी हभप आनंद महाराज तांबे यांनी सांगितले की संत वाड्मय विद्यार्थ्यांकडून अधिकअधिक जोपासले जाऊन विद्यार्थ्यांना भविष्यात मराठीच्या वैभवात भर टाकणारी कामगिरी त्यांच्याकडून व्हावी या उदात्त हेतूने संत ज्ञानेश्वर सार्थ हरिपाठ ग्रंथाचे वाटप करण्यात आले. समाजाने त्यासाठी सहकार्य करण्याची गरज आहे. या कार्यक्रमाचे प्रास्ताविक मुख्याध्यापक जे.के ठाकरे यांनी केले. सूत्रसंचालन अनिल चंद यांनी केले तर आभार विठ्ठल ढमे यांनी मानले,
संपादक.चंद्रकांंत दुंडे
बातम्या आणि जाहिरातीसाठी संपर्क 8806043369
