लोणी काळभोर प्रतिनिधी चंद्रकांत दुंडे –पुणे येथील गणेश कला, क्रीडा व सांस्कृतिक भवन, स्वारगेट येथे नुकत्याच पार पडलेल्या नॅशनल अबॅकस कॉम्प्युटिशन स्पर्धेत सौ.अनिता अनिरुद्ध मराठे यांना सलग तिसऱ्यांदा ‘बेस्ट अबॅकस टीचर अवॉर्ड’ प्रदान करण्यात आला. या स्पर्धेत महाराष्ट्रतुन १५०० हून अधिक विद्यार्थ्यांनी सहभाग घेतला होता.
या स्पर्धेच्या माध्यमातून विद्यार्थ्यांना १ ते १०० पर्यंत पाढे, वैदिक मॅथ्स तसेच फोनिक्स साऊंड्स यांचे प्रशिक्षण दिले जाते. यामुळे विद्यार्थ्यांची आकलन क्षमता वाढते, गणित सोपे होते तसेच स्पर्धा परीक्षांची तयारी अधिक सुलभ होते. अबॅकस पद्धतीमुळे विद्यार्थी पुढे अभियांत्रिकी व इतर उच्च शिक्षणाच्या परीक्षा आत्मविश्वासाने पार पाडू शकतात.
कुंजीरवाडी गावातील शिवसाई अबॅकस क्लासेस मधील अनेक विद्यार्थ्यांनी या राष्ट्रीय स्पर्धेत उत्कृष्ट गुण मिळवत उल्लेखनीय यश संपादन केले. सौ. मराठे यांच्या मार्गदर्शनाखाली विद्यार्थ्यांमध्ये गणिता विषयीची भीती दूर होऊन,रस निर्माण झाल्याचे दिसून येत आहे. तसेच अनेक विद्यार्थी उत्कृष्ट मार्क गणित विषयात व इंग्लिश साउंड फोनिक्स वैदिक मैथ्स,मेडिटेशन, एकाग्रता अभ्यास विषयी मेंटॅलिटी या सर्व बाबींवर फोकस केला जातो
आजच्या स्पर्धात्मक युगात विद्यार्थी विविध क्षेत्रांत आपले नाव उज्ज्वल करण्यासाठी प्रयत्नशील आहेत. अशा परिस्थितीत गणिताची पायाभरणी मजबूत होण्यासाठी अबॅकस शिक्षण अत्यंत आवश्यक असल्याचे मत शिक्षणतज्ज्ञ व पालकांनी व्यक्त केले. पुढील काळात अधिकाधिक विद्यार्थी व पालकांनी अबॅकस शिक्षणाचा लाभ घ्यावा,असे आवाहन यावेळी करण्यात आले.
मुख्य संपादक
चंद्रकांत दुंडे
संपर्क 8806043369..
