लोणी काळभोर दि. १८: कृषी उत्पन्न बाजार समितीचे सभापती मा.दिलीप काळभोर यांनी राजीनामा दिल्याने रिक्त झालेल्या जागेवर अनेक नावे चर्चेत होती.त्या चर्चेला अखेर पूर्णविराम मिळाला. हवेली कृषी उत्पन्न बाजार समितीच्या सभापतीपदी प्रकाश चंद्रकांत जगताप यांची बिनविरोध निवड झाली. यापुर्वी यशवंत सहकारी साखर कारखाना चेअरमन पदी सुभाष जगताप यांची निवड झालेली आहे. बाजार समिती व यशवंत सहकारी साखर कारखाना या हवेली तालुक्यातील दोन महत्वाच्या सहकारी संस्थावर अनुक्रमे प्रकाश जगताप व सुभाष जगताप या सख्या भावांची वर्णी लागली हा दुर्मिळ योगायोग असल्याची चर्चा पुर्व हवेलीतील नागरिकांमधून व्यक्त केली जात आहे.दोघा भावांवर अभिनंदनाचा वर्षाव होत आहे. बाजार समितीच्या सभागृहात आज शुक्रवारी (ता. 18) निवडणूक प्रक्रिया पार पडली. या निवडणूक प्रक्रियेत सभापती पदासाठी प्रकाश जगताप यांचा एकमेव अर्ज आल्याने ही निवडणूक बिनविरोध झाली. यावेळी माजी सभापती दिलीप काळभोर, उपसभापती दत्तात्रय पायगुडे, संचालक रोहिदास उंद्रे, रामकृष्ण सातव, राजाराम कांचन, संतोष आबासाहेब कांचन, सुदर्शन चौधरी, शशिकांत गायकवाड, प्रशांत काळभोर, नितीन दांगट, गणेश घुले, रवींद्र कंद, मनिषा हरपळे, सारिका हरगुडे, आबासाहेब आबनावे, गणेश घुले व अनिरुध्द भोसले, संतोष नांगरे यांच्यासह संचालक मंडळ उपस्थित होते.
संपादक चंद्रकांत दुंडे
संपर्क 8806043369
