लोणी काळभोर प्रतिनिधी लोणी काळभोर गावच्या इतिहासात प्रथमच सर्वच सदस्यांना सरपंच किंवा उपसरपंच पदावर काम करण्याची संधी मिळाली.गेल्या पाच वर्षांत काही सदस्य सरपंच व बाकीचे उपसरपंच पदाची अशा सर्वांनाच संधी मिळाली.त्यातच अतिशय मनमिळाऊ,शांत असे लोकप्रिय असणारे सुनील बाबुराव गायकवाड यांची लोणी काळभोर येथील ग्रामपंचायत उपसरपंचपदी बिनविरोध निवड करण्यात आली आहे. ग्रामपंचायत कार्यालयात झालेल्या बैठकीत ही निवड करण्यात आली. सविता जगताप यांनी आपल्या पदाचा राजीनामा दिल्याने हे पद रिक्त झाले होते. उपसरपंचपदाची निवडणूक प्रक्रिया आज सरपंच नागेश काळभोर यांच्या अध्यक्षतेखालील बैठकीत पार पडली. या निवडणूक प्रक्रियेत उपसरपंच पदासाठी सुनील गायकवाड यांचा एकमेव अर्ज आल्याने निवडणूक निर्णय अधिकारी नागेश काळभोर यांनी उपसरपंच पदी सुनील गायकवाड यांची बिनविरोध निवड झाल्याची घोषणा केली. यावेळी कृषी उत्पन्न बाजार समितीचे संचालक प्रशांत काळभोर, माजी सरपंच राजाराम काळभोर, राहुल काळभोर, माऊली काळभोर, संजय गायकवाड, हेमंत गायकवाड, गणेश कांबळे व ग्रामस्थ उपस्थित होते.
मुख्य संपादक चंद्रकांत दुंडे.संपर्क 8806043369
